Claudio Monteverdi

Claudio Monteverdi
maestru de capiella basílica de San Marcos, Italia (es) 1613 - 29 payares 1643 maestru de capiella 1601 -
Vida
Nacimientu	Cremona[1], 15 de mayu de 1567 (greg.)[2]
Nacionalidá	República de Venecia
Muerte	Venecia[1], 29 de payares de 1643[3] (76 años)
Sepultura	basílica de Santa María dei Frari (es)
Familia
Casáu con	Claudia Cattaneo (es)
Hermanos/es	Giulio Cesare Monteverdi
Estudios
Llingües falaes	italianu[4]
Alumnu de	Marc'Antonio Ingegneri (es)
Profesor de	Giovanni Rovetta
Oficiu	teóricu de la música, violagambista, sacerdote católicu, compositor de música clásica, cantante, compositor, compositor d'ópera, coreógrafu, musicólogu
Trabayos destacaos	La coronación de Popea (es) La fábula de Orfeo (es) El regreso de Ulises a la patria (es) Il Combattimento di Tancredi e Clorinda (es)
Movimientu	Música del Renacimientu Música del Barrocu
Xéneru artísticu	ópera Música del Barrocu
Instrumentu musical	viola da braccio (es) viola da gamba (es) órganu
Creencies
Relixón	catolicismu
IMDb	nm0599669

Claudio Giovanni Monteverdi (15 de mayu de 1567 ^(greg.), Cremona – 29 de payares de 1643, Venecia) foi un compositor, gambista y cantante italianu. Marcó la transición ente la tradición polifónica y madrigalista del sieglu XVI y la nacencia del drama llíricu y de la ópera nel sieglu XVII. Ye la figura más importante na transición ente la música del Renacimientu y del Música del Barrocu Barrocu.

Empecipió los sos estudios de música con Marco Antonio Ingegnieri, maestru de capiya de la Catedral de Cremona, y a los 15 años publicó les sos primeres obres. Ente 1587 y 1638 publicó ocho coleiciones de madrigales, nos qu'amuesa'l so dominiu de la téunica madrigalista. Combina les escritures homofónica y contrapuntística, onde utiliza llibremente harmoníes y disonancies. En 1599 cásase con Claudia de Cataneis, que morrió en 1607 y nesi mesmu añu estrenóse Orfeo, favola in musica, el so primer drama musical, consideráu la primer ópera de la historia, como la entendemos güei día. La so siguiente ópera Arianna (1608), que la so música perdióse, sacante'l famosu "Llamentu", consolidó la so fama.

En 1613 foi maestru de coru y direutor de la catedral de San Marcos de Venecia, ciudá na que compunxo la mayoría de la so obra sacra. Pa inaugurar el primer teatru d'esta ciudá, compunxo más óperes. Na so música relixosa utilizó gran variedá d'estilos, que diben dende la polifonía de la so Misa de 1610 a la música vocal operística de gran virtuosismu y les composiciones corales antifonales de los sos Víspores de la beata Virxe, tamién de 1610. La obra Selva morale y spirituale, publicada en 1640, ye un enorme compendiu de música sacra. En 1637 compunxo una nueva serie d'óperes, de les cualos namái conocemos Il ritorno d'Ulisse in patria (1641) y L'incoronazione di Poppea (1642).

1. ↑ ^{1,0 1,1} Afirmao en: Gemeinsame Normdatei. Data de consulta: 15 mayu 2020. Llingua de la obra o nome: alemán. Autor: Biblioteca Nacional d'Alemaña.
2. ↑ Afirmao en: Gemeinsame Normdatei. Identificador GND: 118583700. Data de consulta: 16 ochobre 2015. Llingua de la obra o nome: alemán. Autor: Biblioteca Nacional d'Alemaña.
3. ↑ Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
4. ↑ Afirmao en: autoridaes BNF. Identificador BnF: 13897646g. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.